#氣質男の殘念人生 【派對動物園事件】
前晚，我發生了一件7到我想掘個窿捐入去住返一頭半個月的7事。
深居簡出三步不出閨門嘅末期宅男冠瑤前日第一次出席了朗豪坊KK plus的art toy event，一去到個event場地散發一股既luxury又chill chill嘅感覺，有啲cyber punk 嘅燈光同DJ焚歌，冠瑤是代表勇氣嘅細路，竟然一條友孤身出席冇搵fd陪同，我去到就即刻自帶bgm 「那年十八～母校舞會～站著如Lau Law～」
我一個人來回兜圈兜咗足足半個鐘，先搵到啲識得嘅人類同我組隊，係一大班artist呀KOL呀組成嘅派對動物森友會，我見其中兩個係我啲fd，我就好似汪洋中嘅一條小船卒之搵到可以俾我安心靠岸嘅港口，我即刻狗衝過去融入呢個大東亞共榮圈。
就喺呢個moment，我見佢地每個人手上都有一杯飲到一半嘅香檳，成隻Party animal咁勁chill，I want it ! I want it so bad! 我兩手空空，融入唔到家中。
我想行埋去問佢地啲香檳喺邊到拎，但我覺得如果我話：「啲香檳喺邊到拎㗎？」佢一定會歧視我心諗：香檳？呢條友邊到鄉下？係咪屯門過嚟㗎？
係呀。
有啲artist望落去唔係好local，似係浸過鹽水返嚟果啲ABC/BBC/BBQ，我唔想被佢發現我係屯門出嚟朗豪坊到見識世面，所以我決定用English講！我要動員我18年前已經還返晒比Miss Kwan嘅英文vocab! 我鼓起勇氣，I can do it! 就笑容親切咁行入派對動物園高聲發問：
「Excuse me, 你地啲shampoo係邊到拎㗎?」
Shampoo….
Shampoo😨!?
Oh My God！我竟然將Champagne 講錯咗做Shampoo！我係咪痴線㗎！最慘係我一講完Shampoo，我個腦即刻閃返出嚟Champagne呢個字呀！ 我明明識得Champagne㗎！ 點解我會講錯咗做shampoooooooo㗎！我講錯做champion都好啲呀我可以扮法國返嚟有口音！
Shampoo我真係唔知點兜！我真係唔識兜呀！
呢個時候，佢地成班望住我咀角含春，陰陰咀笑，佢地帶上佢地嘅玻璃面具同我講：喺隔離個Bar tenga到可以自己點嘢飲！我一另轉面，連個Bar tenga都喺度偷笑，佢一定心諗：「shampoo？ Are you sure？你邊到鄉下飲洗頭水呀？係咪屯門呀哈哈哈！」
係呀。
呢個moment，佢地成班一定以為我係嚟R贈品嘅大媽，哎呀呢度係咪有洗頭水派呀？邊到有得拎呀？
嗰一刻，我真係好想掘個窿捐入去，住返一頭半個月呀。
動物森友會 鐘 聲 在 動森鐘聲、動森島歌動漫在PTT/mobile01評價與討論 的推薦與評價
动物森友会 》中壁钟是一个壁挂家具，可以通过商店购买、狸机订购、摇树和居民赠送的方式获得， ... 壁钟介绍. ... switch动物之森七夕竹怎么获得. ... <看更多>